السلام عليكم ورحمة الله وبركاته
.
.
(( المتزوجون والسهـــر خــارج المــنزل ))
.
.
كثير متزوجين يسهرون يوميا برا البيت
وكثير زوجات يعانون من هالمشكله
.
.
للاسف ان فيه ازواج مايهمهم الا انفسهم
يجي من عمله يبي الغداء جاهز يتغدى ويشرب طاسة لبن ويحط راسه وينام للمغرب
يقوم يقول لزوجته تبين شي انا طالع
يروح لربعه بالاستراحه او الديوانيه وسهر للفجر يجي ينام ويقوم يروح دوامه وهذي حياته
والمسيكينه طول ليلها تنتظره ولابسه وكاشخه له بالاخير يعطيها ظهره وينام
مااقول لاتسهر لا
اسهر لكن بالاسبوع مره ليلة خميس مثلا
وليلة الجمعه خله يكون لها سهره خااصه
.
.
اذا مو قد الزواج ليش تتزوج اخوي ؟
البنت مكرمه معززه عند اهلها مو ناقصها اكل وشرب
ناقصها رجل حنون وعطوف
يدلعها
ويلاعبها
ويضمها
ولو شكت له له وانه مايجلس معها قال وش ناقصك اكله وشاربه وكل شي متوفر لك
وهـ بس وهــ
.
.
اخوي الزوج
.
.
المرأه لو اعطيتها اموال الدنيا وقلت لها راح احرمك الحنان والحضن والرومانسيه
قالت لك لا خذ الفلوس وعطني حب وحنان ورومانسيه ورجل يعشقني بكل مافيني
طيب انت ليش تحرمها ؟
.
.
يااخي تراها دم ولحم واحساس زيها زيك
كيف تسجنها بالبيت بالايام ويمكن بالاسابيع ماتشوف الشمس وانت كل يوم طالع تستانس
وتبيها تكون تبادلك الجنس ؟
طيب اجلس يوم بالبيت شوف اذا ماطلعت روحك وطفشت
خلك دايم قريب لها وخصص يوم من كل 3 ايام اطلع انت وياها خلها تشم هوا وتغير جو
ترى هذا كله بالاخير يرجع لك وراح تشوفها تغيرت ونفسيتها صارت احلى
.
.
خلو عندكم شوي حنان
على الاقل جاملها لو ماتحبها او ماتحس بعاطغه تجاهها
هل فيه اجمل واحلى من النساء بالدنيا ؟
كثير ازواج مهملين زوجاتهم بس لو يفقدها يوم جن جنوونه وانهبل
يعني بالعربي بعضهم عنده عاطفه ورومانسيه لزوجته بس مهوب قادر يفضفض
لانه من الصغر والاهل يقولون له عيب لين كبر هالشي معه وصار داخله مكبوت يبي
يفضفض بس عيب وانت رجال معششه براسه وهذى هي المصيبه
.
.
حتى فيه نساء كذا يخجلون بس المفروض الزوج هو اللي يطلعها من دائرة الخجل بطريقته
ربي يوفقكم حبايبي
